ANEN ENSACERDOTE
Mesk nik'aj chik wnaq xtyoxa' je' nkekbixaj
je bnon je' tzan je' che', tzan je' ch'ech' y tzan je'
bronce
Anen kenbixaj rubi' ja' k'aslik Dios
Rubi' ja' k'aslik Dios kenbixaj anen
//Kom anen ensacerdote
ensik'in che kensmajij ja' k'aslik Dios
y kamik qas kenbixaj
Santlaj bi'aj rxin ja' kilaj k'aslik Dios//
RUBI' JESÚS K'OLA RCHUQ'A
Qas ja' rubi' Jesús nim rchuq'a
Qas ja' rubi' Jesús nexte jun nech'kowa rxin
Qas ja' rubi' Jesús q'en jutban ruq'ij
Qas ja' rubi' Jesús njik nim junlik.
Kenbixaj anen kenya' ruq'ij
Kenjutba' na rya'ik ruq'ij
Qas rubi' Jesús nim rchuq'a.
NQAYA' AQ'IJ KAMIK AJAW
//Qamlon jun rmaj qi' kamik
che rya'ik aq'ij Ajaw
Neqjutba' qabix chawech Atet
Chpam jun kilaj q'ij kamik//
Nkateqbixaj k'a, tqala chawij Atet
qas nqaya' nimlaj aq'ij
je' tnamet nkatekbixaj k'a
kom tqala chawij kilaj rlek'wal Dios
qas tqala chawij Atet
K'OLA TO' IK
Nawajo' atet nkuytaja awil amak
xruk'in oka Jesús k'ola totanem.
Nawajo' atet jun kilaj k'aslemal
xruk'in oka Jesús k'ola to'ik
CORO
K'ola to'ik, to'ik qas kilaj to'ik
ruk'in Jesús, je xkoma.
K'ola to'ik, to'ik qas kilaj to'ik
ruk'in rek'k'el jara' je xutix
Nawajo' atet nach'aqij kana abanik
xruk'in oka Jesús k'ola totanem.
Nawajo' atet natch'akona tzrij itzel
xruk'in oka Jesús k'ola to'ik
Nawajo' atet nasmajij awAjaw
xruk'in oka Jesús k'ola totanem.
Ja' natruto', chqa' nrajo' nkatpeta kamik
xruk'in oka Jesús kola to'ik.
NIMLAJ SI'P
Qas ja' nimlaj si'p rxin wAjaw
xusik' jun tzaqnaq poqnaq.
Jun moy jara' nbanik
kamik kenkaya chik anen
sachnaq nubey taq xenruwil.
Jawra si'p rya'ik ruq'ij
xuk'ut chenwech
kamik yqula nuk'ux ruk'in
qas kilaj k'aslemal
xuya' xsipaj chwa anen
kamik xenk'extaja anen.
Chpam taq je rtzilal chqa' chpam lowlo'
je enq'axnaq wa' anen wawe'
q'en ja' wa' njelal mej xet-owa wxin anen
chqa' pkikotemal kenrk'aj wa'
Chqa' taq xtenba ruk'in ja' rxin junlik
xtraq'puj k'a nbanik ajni' q'ij
kara' k'a kenbixaj rubi' rxin junlik
xermal xenrajo' xenruto'.
KARA' XUBAN TAQ XENRAJO'
Kara' rbanik je taq xenrajo'
mexpoqnaj ta rk'aslemal xuya'.
Qas xerek'sana perwa' rsamaj
xujach na rk'aslemal pekmik
Kawra rbanik je taq xenrajo'
anen majo'n ntojtaj ta nmal
jara' nimlaj ojbenri'il
rmal k'ara' kenya' na wanm tzra anen
Rmal xenrajo' enk'asla kamik,
rmal xenrajo' kenya' ruq'ij
ruk'in Jesús kenbena wa' anen
xermal taq xenrajo'
Rmal xenrajo' enk'asla kamik
rmal xenrajo' kenya' ruq'ij
ruk'in Jesús kenbena wa' anen
xenmal k'a anen xkoma.
Kentre' na tzrij.
QBIXAJ RUBI' JA' DIOS
Njelal tnamet, teyka' iq'a chkaj
tey-a' ruq'ij ja' Dios tzan njelal rchuq'a iqul.
Njelal tnamet, teyka' iq'a chkaj
tey-a' ruq'ij ja' Dios rxin Israel
Qbixaj rubi' ja' Dios
qbixaj rubi' ja' Ajaw
nja' oka Dios nimlaj Rey
rajaw njelal ruch'lew chqa'
Qbixaj rubi' ja' Dios
qbixaj rubi' ja' Ajaw
qpaq'ij qaq'a tzrij ja' Dios
qbixaj rubi' ja' Rey
Njelal tnamet, teyka' iq'a chkaj
tey-a' ruq'ij ja' Dios tzan njelal rchuq'a iqul.
Njelal tnament, teyka' iq'a chkaj
tey-a' ruq'ij ja' Dios qxin qonjelal.
KI' NUK'U'X
Ki' nuk'u'x qas ki' nuk'u'x
xentotaja rmal ja' Cristo
kamik enk'asla rmal Jesús
nja' oka utzlaj t-onel wxin anen
xtenmloj ta chwij mne' jlal melti'ox
majo'n achnaq ja' ruch'lew xtuya' ta chwa anen
ki' nuk'ux qas ki' nuk'u'x
rmal ja' Cristo je xenruto'
KAMIK ENTOTANAQ CHIK
//Kamik entotanaq chik,
kamik qas ki' nuk'u'x//
Ki' nuk'u'x, Cristo xet-owa wxin anen
qas kenrajo'
jara' rmal qas ki' nuk'u'x.
JA' QAJAW K'OLA QUK'IN
K'ola quk'in, k'ola quk'in
aleluya ja' qAjaw k'ola quk'in.
K'ola quk'in k'ola quk'in
Aleluya ja' qAjaw k'ola quk'in.
ATET OKA ATNIMLAJ DIOS
//Qas wen ja' kenya' aq'ij neDios
chqa' katenbixaj nuRey.
Majo'n chik jun nimlaj Dios ajni' atet
ajni' atet//
Nimlaj Dios atet oka
wAjaw atnuRey.
Nimaj Dios atet oka
wAjaw atnurey
Letra: Inspirado en Isaías 44
Música: Pastor Elías Mendóza Mendóza
QAS NIM AQ'IJ
WAjaw neDios
taq kenkaya chkaj kentzu'
nimlaj kaj chqa' njelal rwech je' ch'umil,
taq kenk'axaj aqul chpam je' keypa'
chqa' taq kentzu' ruch'ab q'ij nelpa tzrij jyu'
CORO
//Xermal k'ara nenjelal wanm kenbij,
qas nim aq'ij, qas nim aq'ij.///
Y taq kentzu' je' jyu' ruk'in rutq'aj
chqa' retz'balil njelal je' jbel taq ktz'ej,
taq kenk'axaj je' tz'kin je nkebixana
chqa' kenk'axaj ruqul benel taq ya'
Y taq nerqaja penwa' ja' apoqon
chqa' taq xataq pa jun t-onel wxin anen
jara' Jesús je xukuy njelal numak anen
chqa' taq xutaj rpaqnal y xkoma chweh cruz.
KENJACH WI' CHAWA
Kenjach wi' chawa' T-onel
pkawk'an nubey y atyola nchuq'a.
Katennimaj na
xermal njelal achnaq
nuwil rwech wanm awk'in
CORO
//Kenjach wi' chawa//
Ja' nbanik ruk'in numak anen
njelal kenjach chawa
Ja' rwech wanm nq'alsaj pnoq'ej
njelal ril rumak je rebnon chawech.
Knawk'axaj jlal Cristo
kenwajo' kenwil kuyik awk'in.
Qas jun ki' nuk'u'x nuban ja' Cristo
wanm nuwil xlanem.
Rmal k'ara' qas nel ta wanm tzrij
kenrajo' chqa' kenwajo'
KENAK'XA' WAJAW JESÚS
Kenak'xa' kamik wAjaw Jesús,
mne' chik jlal jawra k'aslemal.
Kenak'xa' kamik wAjaw Jesús,
tey-a' kilaj awanm chwa anen
Kom njelal achnaq je k'ola chpam ja' nk'aslemal
kenwajo' nak'ex jlal kamik wAjaw
Kom njelal achnaq je k'ola chpam
ja' nk'aslemal chqa' ja' wanm,
nk'atzina nak'ex njelal.
TK'ULBA' WORACIÓN
Tk'axaj jlal nimlaj Dios k-e'xi' nutzij,
tey-a' pekwent k'a jawra k'utxik
tey-a' pekwent k'a jawra k'utxik.
//Tk'ulba jlal woración
ruk'in ryarbel wanm//
AtnuRey atet atneDios chqa'
kenawk'axaj k'a jlal
kenawk'axaj k'a jlal,
xenaq'a, tq'aq'ij ruk'in chaq'a.
//Tk'ulba' jlal woración
ruk'in ryalbel wanm//
Letra: Salmo 5: 1-3
Música: Pastor Elías Mendóza Mendóza
JESÚS QAS KILAJ WEXBIL
Qas yqula nuk'ux ruk'in Jesús,
Ja' net-owa wxin anen
majo'n k'a xtenxibej ta wi', yqula nuk'ux ruk'in.
Wextenqajbej rukiy rpaqnal, kenbixana anen
qas yqula nuk'ux ruk'in Jesús, ja' k'o wk'in junlik
Qas kilaj wexbil, k'o wk'in junlik
xtenruto' nk'ara', njela je' q'ij.
Wextenqajbej rukiy rpaqnal, kenbixana anen
qas yqula nuk'ux ruk'in Jesús, ja' k'o wk'in junlik
QAS YQULA NUK'UX
Qas yqula nuk'ux
wAjaw awk'in
qas at-utz wAjaw
qas at-utz wk'in anen
nexte jmej enay-on kana
mesk menwen ta anen
qas yqula nuk'ux
awk'in wAjaw
RMAL OKA JESÚS KENBIXANA KAMIK
Xermal oka Jesús kenbixana kamik,
ruq'ij ja' kenya' anen,
majo'n chik jun rmal enk'asla kamik
xawmal atet wAjaw,
njara' oka jun rbiyal awk'in k'owa'
kilaj to'ik, utzlaj k'aslemal,
atet oka wAjaw katenwajo'
tba q'ij tba saq katenwajo'.
CORO
Nexte jun nq'owa abanik chqa'
nexte jun wnaq kara' rbanik ajni' atet
atnimlaj Dios, nimlaj Rey chqa'
nexte na jun chik kara' ajni' atet.
J-ON RI'IL RXIN DIOS
//Naqtk'a jun wnaq xtekwina xtoqrelsaj pranm
Cristo
Naq tk'a jun wnaq xtekwina xtoqrelsaj pranm
Dios//
Nex k'aslemal, nexte na ja' kmik,
nexte na jyu' tq'aj, nexte na siwan chqa'
nexte ángeles, nexte na je' aj-itza'.
//Naq xtekwina xtoqrelsaj/// pruq'a ja' Dios.
NIMLAJ KIKOTEMAL
//Rmal wAjaw k'a qas ki' nuk'ux anen
ki' xlanem xuya' Ja' ruk'in wanm//
//Ki' xlanem xuya' Ja' ruk'in wanm//
rmal wAjaw k'a qas ki' nuk'ux anen
ki' xlanem xuya' ja' ruk'in wanm
CORO
//Per qas jun kikotemal, per qas jun kikotemal
choqkonjelal k'a qbixaj rubi' ja' qadta' nimlaj Dios//
Qas ja' kikotemal mruch'lew ta xey-owa chwa anen,
mruch'lew ta xey'owa chwa anen
//Chechnara' majo'n nekwin ta xtumoj tk'a chwa
anen.//
//Jawra kikotemal je k'ola chpam wanm anen,
nja' oka Cristo xey-owa chwa anen//
//Nja' oka Cristo xey-owa chwa anen//
QAS WEN JA' WAJAW
Qas wen ja' wAjaw
taq xuya' nk'aslemal.
Qas wen ja' wAjaw
kom k'enk'asla rmal
MELTI'OX AJAW
Melti'ox Ajaw
tzra jun q'ij kilaj q'ij rxin kamik
Ajaw melti'ox
utz qawech utz qk'aslemal
///Enk'ola wawe'///
che rya'ik melti'ox chawa.
